Насловна / Арт и дизајн / Гoлата Деми Мур на Бенкси со цена од 2,8 милиони долари

Гoлата Деми Мур на Бенкси со цена од 2,8 милиони долари

Дали се сеќавате кога голата Деми Мур, која тогаш беше во седмиот месец од бременоста, позираше за августското издание на списанието „Vanity Fair“ далечната 1991 година?

3_resize

Во тоа време, насловната страница се сметаше за доста контроверзна, но денес, по се изгледа, ситуацијата е далеку поинаква. Познатата фотографија повторно се најде во центарот на вниманието на јавноста, но овој пат во форма на платно високо два метра, потпишано од Бенкси. Бидејќи ова уметничко дело во целост е направено во неговиот познат стил, платното ни претставува бремена гола фигура, која го гали стомакот, но носи маска и пуши цигара.

2_resize

Според наводите, оваа креација на Бенкси дебитирала на неговата изложба во 2006 година, Barely Legal, која засекогаш го смени неговиот имиџ. Сега, ова уметничко дело станува дел од аукцијата на Sotheby’s, која ќе се одржи на 25 март, со проценета вредност од 2,8 милиони долари. Ема Бејкер, директор за продажба на современа уметност во Sotheby’s во Лондон, изјави: „Оваа слика е олицетворение на неговиот хумор и храброст. Тој исмева славната личност, но тоа не го прави само во форма на пародија, туку и на многу повисоки нивоа. Можете да ја набљудувате како модерна божица на плодноста, особено во контекст на фината уметност “.

1_resize

Сликата ја продава приватен сопственик и ова е првпат да се најде на аукција. Пред некое време, славниот уметник остави низа општествено значајни пораки за да ги инспирира луѓето да носат маски, цртајќи графити по лондонското метро.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top