Насловна / Архитектура / Футуристичка железничка станица во Естонија

Футуристичка железничка станица во Естонија

Проектот на Заха Хадид Архитекти (ZHA) победи на локален натпревар во архитектура за нов железнички терминал во Естонија. На проектот ZHA има работено со локалната фирма Esplan. Тоа е футуристичко и многу привлечно решение за градот Талин. Предвидено е терминалот Ülemiste да биде дел од системот Rail Railica. Планот е оваа електрифицирана железница да се рашири на 870 километри и да ги поврзе Полска, Литванија, Латвија и Естонија.

estonija

ZHA вели дека необичниот изглед на проектот се заснова на лесно движење и интеграција на автобуските, трамвајските и железничките линии, а во рамки на проектот е предвиден и пешачки мост.

Проектот се карактеризира со модуларна конструкција, што значи дека може да се гради во фази за да се намали какво било нарушување во областа. Исто така, ќе биде и одржливо до одреден степен, бидејќи има за цел да добие сертификат BREEAM (стандард за градење зграда).

estonija1

Министерот за економски прашања и инфраструктура во Естонија, Таави Аас, рече дека е убеден дека областа станува една од најатрактивните во однос на инфраструктурата и дека Талин станува вистински мултимодален сообраќаен центар.

estonija2

ZHA има дизајнирано неколку железнички станици, вклучувајќи ги и завршените „Napoli Afragola“ и „Fornebubanen Metro Line Stations“, кои треба да започнат со изградба во 2020 година.

Датумот на завршување на овој проект сè уште не е познат.

estonija3

estonija4

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top