Фосилните горива ќе имаат ознаки за предупредување?

Група стручњаци за јавно здравство, предлага одредени производи на бензиските пумпи, сметки за енергија, како и авио картите, да имаат ознаки за предупредување слични како оние на производите од тутунската индустрија, со цел луѓето да се поттикнат на користење на алтернативи на фосилните горива.

Според нив, исто така би се зголемила побарувачката за обновливи извори на енергија без емисии на стакленички гасови, пренесува Energy Live News. Здравствениот тим во British Medical Journal објавил дека воведувањето на здравствени ознаки со информации за високиот удел на јаглерод, би можело да влијае на промена на ставовите и однесувањето на поединецот, но и на општеството во целина.