Флексибилни монтажни островски куќи

ZHA е познат по необични проекти во областа на градежништвото и има само една приватна куќа во Русија во своето портфолио. Најновиот проект наречен „Roatán Próspera Residences“ планиран од оваа компанија ќе вклучува серија дрвени куќи во форма на островска заедница во Хондурас. Проектот вклучува непознат број на станбени единици кои се движат од мали студиски станови до поголеми семејни резиденции и ќе се карактеризираат со одржливост и флексибилност во однос на големината и стилот на зградата.

Проектот ќе се изработува во близина на градилиштето од локално растено дрво и ќе се составува на самото градилиште. Дрво и бетон ќе се користат за градба. Куќите ќе имаат големи закривени покриви, пространи тераси и ќе се карактеризираат со застаклени sидови. Внатрешноста ќе биде концентрирана околу отворена дневна соба со места за седење и разговори кои наликуваат на „јами“.

Овие куќи треба да им овозможат на идните станари сами да размислат како и што ќе содржи нивниот дом. Идејата е да се избере распоредот на мебелот и материјалите, изгледот на ентериерот и сите додатоци. Сите овие се прилично стандардни работи за монтажни згради. Степенот на флексибилност е значаен и ZHA создаде специјална дигитална платформа за проектот. Платформата за конфигурација ја прилагодува секоја станбена единица на теренот, вклучувајќи ги и прикажувањата и минимизирањето на сите градежни работи во текот на монтажата на зградата. Платформата исто така нуди модуларен мебел што може да се инсталира и распоред кој одговара на индивидуалниот животен стил и преференциите. Идните потенцијални станари можат да ангажираат и компании за мебел за секоја просторија, со помош на платформа за конфигурација која вклучува 3Д модел на куќата.

За изградба ќе се користат материјали што не ја загадуваат животната средина, ќе бидат инсталирани системи за собирање на дождовница. Настрешниците ќе држат сенка и со тоа ќе обезбедат ладовина, а ќе имаат и вградени соларни панели кои ќе бидат поврзани со батерии за складирање електрична енергија.
Изградбата треба да почне на крајот на оваа година, а цената сè уште не се знае.