Насловна / Вести / ЕУ:Нови правила за почисти и посигурни автомобили

ЕУ:Нови правила за почисти и посигурни автомобили

Уредбата на ЕУ за хомологација и надзор на пазарот на моторни возила, започна да се применува од 1-ви септември. Европската комисија јавува дека оваа уредба е донесена во мај 2018, а има за цел да направи сеопфатна реформа на досегашниот систем на хомологација и надзор на пазарот.  Со новите правила ќе се подобри квалитетот и независноста на хомологацијата и испитувањето на возилата, ќе се заостри контролата на автомобилите кои веќе се наоѓаат на пазарот на Европската унија и ќе го зајакне целокупниот систем со воведување на построг надзор.

Thierry Breton, повереник за внатрешниот пазар, изјавил дека граѓаните на ЕУ со право очекуваат да ги возат најчистите и најсигурните автомобили. „ За тоа се потребни строги контроли на автомобилите кои се пуштаат на пазарот и сообраќаат по нашите улици. Комисијата ќе може да спроведува контроли и проверки на автомобилите, и во случај нa кршење на прописите, ќе покрене повлекување на возилото од ЕУ и парична казна до 30.000 евра по автомобил. Тоа е уште еден чекор кон почиста и посигурна мобилност, за што во контекст на кризата се потребни уште поголеми вложувања во инфраструктурата и иновациите. Настојуваме да ја обновиме довербата на портошувачите и да го зајакнеме единствениот пазар, како и да помогнеме во изградбата на одржливоста и глобалната конкурентност на  европската автомобилска индустрија“, истакнал Breton.  

approval2

approval3

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top