Енергетската заедница прима номинации за PECI проекти за енергетска инфраструктура

Компаниите со планови за прекугранични инвестиции во енерегетската инфраструктура во склоп на Енергетската заедница, како и интерните кои би имале значаен прекуграничен обем, можат до 19-ти јануари 2026 година истите да ги номинираат во склоп на постапката за избор на Проекти од интерес за Енергетската заедница (PECI). Според Законот за Трансевропски енергетски мрежи (TEN-E) во Европската унија, овој механизам опфаќа проекти за пренос и складирање на електрична енергија, вклучувајќи и системи за заштита, следење и контрола, со паметни електрични и гасни мрежи, водород и системи за зафаќање и складирање на јаглерод диоксид.

Предлог проектите предмет на овој повик се однесуваат на секторите електрична енергија и гас. Во првата група се далеководите со висок и многу висок напон: на столбови, како и подземни и подморски кабли. Соодветните инвестиции во електроенергетскиот сегмент опфаќаат и складирање на енергија како и системи за заштита, следење и контрола. На списокот проекти за гасна инфраструктура се технологии кои се потпираат на водород, електролизери и проекти за CO2.

Меѓу институциите кои ќе ги оценувааат номинираните проекти се надлежните министерства, регулаторните тела и операторите на системите за пренос. Остатокот од групата го сочинуваат Европската Комисија, Секретаријатот на Енергетската заедница, Регулаторниот одбор на Енергетската заедница, ентитетот ECDSO-E, составен од операторите на дистрибутивните системи во енергетската заеедница, Европската мрежа на оператори на системите за опренос на електрична енергија (ENTSO-E) и Европската мрежа на оператори на системите за пренос на гас (ENTSOG).

Енергетската заедница ја сочинуваат договорните страни на Западен Балкан, Украина, Грузија и Молдавија.