Екстравагантна вила со тунел низ аквариум со ајкули и егзотични риби

Екстравагантниот имот во Палм Десерт, Калифорнија, се продава за неверојатни 49,5 милиони долари. Цената не е превисока, ако се земат предвид многуте луксузни погодности како што се три базени, тунел низ аквариумот и резервоар за ајкули, а има и шест кујни, седум спални соби и 12 бањи.

Имотот е сместен во голф клубот Bighorn, кој на членовите им нуди пристап до два терени за голф, велнес и спа центар. Вилата и неколку дополнителни згради зафаќаат површина од осум хектари земјиште. Парцелата е опкружена со прекрасни планини и пејсажи, по кои оваа област е позната. Ѕидовите од подот до таванот се автоматизирано лизгачко стакло, кое го отвора целиот простор кон надвор.

Површината на куќата е три илјади метри квадратни, дневната соба е украсена со камин од титаниум, таванот е покриен со дрвени панели, а има и впечатлива скулптура Чихули. Ходник-тунел води до трпезаријата, која е опкружена со аквариум со посебни резервоари за егзотични риби и ајкули.

Дополнителните структури вклучуваат павилјон за гости со четири спални, дневна соба и кујна, како и посебна приватна канцеларија врежана во карпестиот рид и огромна гаража со простор за 10 возила.