Насловна / Вести / Бургер – бар каде духовитата декорација е во контраст со сериозноста на бетонот

Бургер – бар каде духовитата декорација е во контраст со сериозноста на бетонот

Бетон, духовити детали и неонска расвета со оригинална поп арт графика, му даваат на овој угостителски ентериер во Нови Сад посебен шмек.

„Тостер“ е познат новосадски бургер – бар, а ентериерот на локалот го потпишува проектанското биро од истиот град, Project A1 Design Hub.

11_resize

Во ентериерот преовладува бетонот кој ги прекрива ѕидовите и подовите. Благодарение на модерната технологија, бетонот има фина завршна обработка, но го задржал грубиот изглед, како и отпорноста, што е важно за објект низ кој циркулираат голем број луѓе.

12_resize

Посебен куриозитет се масите изработени од бетон и метал. Тие се дизајнирани специјално за потребите на овој бургер – бар, како и поголем дел од другиот мебел. Брутализмот се карактеризира со впечаток на едноставност, кој произлегува од совршено избалансиран ентериер, и навистина – ако се игнорираат другите, пред сè, графички елементи додадени со цел да се „зачини“ просторот, тој би останала силна слика на натур бетон.

1_resize

Покрај видливите цевки за вентилација, греење и хидранти, кои заедно му оддаваат почит на индустрискиот тренд, но исто така одговараат на правилото за брутализмот, дека ништо не се „пакува“ и сокрива, во „Тостер“ може да се видат ретро елементи, интерпретирани на модерен начин, кои враќаат во шеесеттите години. Ретро шармот лежи во облините на сепареата, училишни столици кои предизвикуваат носталгија, плочките на ѕидовите, вентилаторите и неонките.

13_resize

Забавните илустрации ги прекриваат бетонските подови, sидови и плочите на масите. Тие, како и специјално дизајнираните каширани платна, заедно прават духовита декорација која е во контраст со сериозноста на бетонот. Неколку дрвени детали и зеленило, исто така, стојат како противтежа на брутализмот. На динамиката на просторот придонесуваат и смелите бои – сина и корално црвена.

3_resize

Особено внимание е посветено на осветлувањето. Впечатливата, декоративна и 3Д декорација на расветата е омилена меѓу гостите, а составена е од метални рамки, дрво и светлечки тела. Таа претставува своевиден водич низ говедското месо по кое се познати „Тостер“ бургерите.

Покрај тоа, во барот се присутни неонски ознаки, кои мајсторски создаваат ретро амбиент.

7_resize

4_resize

10_resize

6_resize

8_resize

9_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top