Brooklyn Bridge Park во Њујорк со уште една награда

Паркот „Brooklyn Bridge Park“ во Њујорк проект на пејзажниот архитект, Michael Van Valkenburgh, ја освои Меѓународната награда за пејзаж Rosa Barba International Landscape Prize 2021.

Локацијата на „Brooklyn Bridge Park“ е долга и тесна, се протега два километра долж брегот на Ист Ривер, од улицата Jay до Atlantic авенијата. Поголемиот дел од локацијата бил комплекс за товарење и складирање на товар, изграден од пристанишната управа на Њујорк и Њу Џерси изграден во 1950 -тите години, но стана застарен поради зголемувањето на превозот со контејнери.

Нефункционален од 1983 година и отсечен од околната станбена населба, комплексот вклучувал шест столбови и неколку високи магацински згради. Северниот крај на локацијата е областа под и помеѓу мостовите Бруклин и Менхетен, и бил недоволно искористен пејзаж опкружен со комплекси за лесна индустрија.

„Brooklyn Bridge Park“ го трансформира овој дел од постиндустрискиот брег во просперитетен урбан пејзаж. Паркот посредува во новите и обновени врски помеѓу градот и реката, станувајќи витален урбан праг, кој обезбедува простор за широк спектар на активности и програми, сите со спектакуларен поглед на хоризонтот на Менхетен.

Внимателниот однос кон богатата историја на локацијата и нејзините извонредни изградени и природни карактеристики гарантира дека оваа радикална трансформација создава урбана дестинација која е динамична и привлечна за генерациите кои доаѓаат.

Паркоте е добитник и на голем број други награди: Мастер планот за локацијата во 2009 година е добитник на Waterfront Center Excellence on the Waterfront Award, истата година наградата ASLA за анализа и планирање, во 2011 наградата на Општинското уметничко друштво на Њујорк, Brendan Gill Prize, Национална награда за одлично планирање и урбан дизајн на American Planning Association во 2014 година, а истата година повторно награда од Општинското уметничко друштво на Њујорк, MASterwork за најдобар урбан пејзаж.