Бесплатен вебинар за архитекти и проектанти во организација на Винербергер

На 22 април, во периодот од 14 до 15.30 часот ќе се одржи бесплатен вебинар за архитекти и проектанти, кој е во организација на Винербергер, а на кој предавачите ќе опфатат современи и актуелни теми. Предавачи на вебинарот се проф. д-р Тодорка Самарџиоска од Градежниот факултет при Универзитет „Свети Кирил и Методиј“ од Скопје и архитект Бесиан Мехмети, основач на архитектонското студио БМА од Скопје. Самарџиоска ќе говори на темата „Анализа на животниот циклус на керамичките производи“, додека Мехмети преку примери на реални архитектонски проекти ќе говори за „Архитектурата што живее“.

Учесниците на вебинарот ќе имаат можност директно да се вклучат и да им поставуваат прашања на предавачите, да отворат дискусии и да впиваат искуства преточени преку примери.

Сите учесници ќе можат да преземат специјално изработен Прирачник за архитекти и ќе имаат можност да добијат уникатен примерок од Brick Book `20 изданието за извонредна архитектура од тули.

Пријавувањето е на линкот https://register.gotowebinar.com/register/1447320554879053070, додека повеќе информации може да се добијат на https://www.wienerberger.mk/za-nas/novosti-i-nastani/webinar-za-arhitekti.html.