Насловна / Вести / Баобаб – најиконичното дрво на африканскиот континент

Баобаб – најиконичното дрво на африканскиот континент

Величествениот баобаб е убедливо најиконичното дрво на африканскиот континент. Постојат девет видови од кои два потекнуваат од Африка. Овие џинови можат да пораснат до 1000 години!

1_resize

Приказните и легендите за баобабите отсекогаш се раскажувале со генерации. Па така е и во Танзанија. Танзанците веруваат дека во дрвото има некаква мистикa. Позната е приказната која раскажува дека во времето кога Бог го завршувал светот знаел дека во Африка треба да создаде нешто корисно. Дека водата секогаш ќе биде проблем на континетот, па така ги смислил бабобаите. Планот бил дрвото да се направи шупливо на врвот за да може да складира вода по дождовите. Бог бил многу горд на ова создавање, но ѓаволот не мислел така. Ѓаволот се одмаздил превртувајќи ги сите дрвја наопаку. Ако погледнете баобаб, ќе забележите дека изгледа како корените да штрчат кон небото, а шупливиот дел сега е во долниот дел на стеблото.

0_resize

2_resize

Шупливите стебла Бушманите ги користат како засолниште. Некои стебла може да бидат доволно големи за да примат до 30 луѓе. Дрвениот материјал на дрвото не е многу корисен, бидејќи е премногу мек со текстура како сунѓер. Плодовите од друга страна се исклучително корисни и многу здрави. Денес се повеќе луѓе го сметаат плодот на баобабот како супер овошје. Исто така од семките може да се извади маслото и да се користи како хидратантна крема.

6_resize

7_resize

Вообичаено децата кои растат во Африка, го берат плодот од дрвото. Ќе налеат во него вода ќе го протресат неколку минути по што добиваат прекрасен свеж сок. Самото овошје е од бело до светло црвено и ако е дрвото квалитетно, може да биде многу слатко.

9_resize

Во Танзанија денес насекаде може да се најде обработено овошје баобаб во продавниците и уличните штандови. Луѓето сакаат да го јадат, особено кога патуваат, бидејќи веруваат дека го спречува гадењето и мачнината при патување.

5_resize

Во дивината, животните зависат од баобабот како извор на влага, а во областите каде што живеат слонови, забележливо е дека кората на дрвото е излупена. Слоновите го прават тоа бидејќи кората и месото на дрвото се уште се полни со вода дури и во многу сушна сезона. Понекогаш слоновите откинуваат премногу од дрвото што предизвикува негово изумирање.

3

Некои животни работат заедно за да имаат корист од дрвото. Особено бабуните се оние кои се качуваат на дрвјата и ги фрлаат плодовите за жителите на земјата како што се импалите, брадавичестите свињи, биволите и слоновите.

Националниот парк Тарангире во Танзанија е одлично место да се видат овие огромни дрвја во нивната природна средина.

4_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top