Бруталистичката архитектура во Скопје

Авантуристот Nate Robert, откако во 2012 година дал отказ на своето работно место, почнал да патува низ светот и да ја документира архитектурата што му се допаѓала и сето тоа да го објавува на својот блог „Yomadic“.

Еден од градовите што ги посетил е и градот Скопје. Tој вели дека Скопје е совршено место за љубителите на бетонската комунстичка архитектура. Земјотресот во Скопје во 1963 година предизвика да се создадат неверојатни бетонски структури, кои го сместуваат Скопје во еден од најбогатите градови со бруталистичка архитектура. Примерите од геометризирани теми изработени од бетон, главно се наследство од познатиот архитект Кензо Танге, кој е главен проектант за Скопје после земјотресот.

Многумина денес оваа архитектура ја нарекуваат комунистичка архитектура, иако тоа не значи дека Кензо Танге и неговиот тим биле комунисти, туку македонската нација едноставно се надоврзува на периодот во кој оваа архитектура била создавана, односно периодот во кој Македонија била дел од комунистичката држава Југославија.