SET Trebinje 2026: Електростопанствата од регионот бараат модел за одржлива енергетска иднина

Во склоп на самитот SET Trebinje 2026 одржан е панел „Енергетска транзиција на Западен Балкан: предизвици, реалност и пат до 2030/2050“, кој ги собра водечките луѓе од електроенергетскиот сектор на регионот. Дискусијата отворила клучни прашања – како да се обезбеди енергетска сигурност, да се забрзаат инвестициите и истовремено да се спроведе праведна транзиција кон почисти извори на енергија.

Притоа истакнато е дека регионот мора да го искористи својот потенцијал на пазарот на електрична енергија, да се инвестира во обновливи извори на енергија, а допрена е и темата за развој на нуклеарната енергија. Исто така, анализирана е улогата на гасните електрани во енергетската транзиција, односно дека гасот може да има важна функција во стабилизација на системите, посебно преку когенерација. Укажано е дека при изградбата на вакви електрани треба да се води сметка истите да бидат ускладени со потребата од топлинска енергија, и согласно тој критериум економски оправдани. Заклучокот од панелот е дека енергетската транзиција на Западен Балкан не е само технолошко, туку и стратешко и социјално прашање. Балансот помеѓу енергетската сигурност, инвестициите и одржливоста останува клучен предизвик на патот кон 2030 и 2050 година.