Славните во Холивуд забрзано ги продаваат луксузните вили – и пентхаусот на Кејт Винслет се најде на пазарот

Славните во Холивуд во последните месеци забрзано ги продаваат своите луксузни вили, а на пазарот се најде и една недвижност на Кејт Винслет, по цена од 5,7 милиони УСД. После Елен ДеЏенерис, Никол Шерцингер, Винона Рајдер и многу други, својот пентхаус во Њујорк го продава и Кејт Винслет. Малкумина се оние кои би можеле да се вселат во овој раскошен двокатен пентхаус со излез на покривот коj и припаѓа на Винслет. Популарната ѕвезда на „Титаник“ недвижноста ја купила во 2004 година, но сега после 16 години, оскаровката одлучила дека е време да се поздрави со неа. Луксузниот стан со површина од 280 метри квадратни е сместен во њујоршката населба Челзи и има четири спални и исто толку бањи. Секое катче е минималистички уредено, а во сите простории има голем број прозорци, па станот е исполнет со природна светлина преку целиот ден.