37 држави се соочуваат со сериозен недостиг на вода

Светскиот институт за ресурси издаде извештај за проценката во која се наоѓаат земјите со резервите и снабдување на вода, а во него се посочува дека 37 држави се наоѓаат во групата што се соочува со „високо ниво на недостиг на вода“.

Земјите што се најзагрозени со недостиг од вода се обележани со темноцрвена боја, а оние што се помалку загрозени се обележани со посветли бои. Најмалку загрозените земји се со светложолта боја. Според оваа мапа, Македонија е во земјите што имаат низок стрес што се однесува до расположивите количини на вода.

Мапата со водните ресурси ги покажува различните нивоа во 100 речни басени, од кои се снабдуваат жителите во 181 држава во светот.