Zaha Hadid Architects ќе уредуваат италијанска болница околу градини

Архитектонското биро Zaha Hadid Architects го претстави својот проект за болницата Малпенса во северна Италија, која ќе опкружуваат градини и уредени покриви.

Зградата, која ќе се гради помеѓу Милано и Варезе, ќе ги обедини постојните болници Gallarate и Busto Arsizioво во еден здравствен објект кој ќе им обезбедува услуги на приближно еден милион локални жители.

Нарачана од Регионалниот здравствен орган на Ломбардија на меѓународен конкурс, Zaha Hadid Architects ќе ја дипроектираат и изградат болницата Малпенса во соработка со италијанската архитектонска фирма Studio Plicchi, инженерската фирма RINA и консултантите за изградена средина WSP.

Болницата ќе се состои од пет ката и подрум, каде ќе се сместат амбулантски и болнички простории, одделенија за нега на мајки и доенчиња, дијагностички и терапевтски зони, клиники и лаборатории.

Централна патека ќе поминува низ болницата Малпенса на приземје за да формира јавна рута, поврзувајќи го плоштадот на влезот со градините и дворовите во центарот на зградата.

Уредните кровни тераси ќе обезбедат дополнителен надворешен простор за пациентите и посетителите, со цел да се создаде смирувачка средина.

Според Zaha Hadid Architects, болницата Малпенса ќе има модуларна структура што ќе може да се прошири и прилагодува за да одговара на новите технологии, со цел да се задоволат идните потреби на регионот.

„Дизајнот на новата болница е насочен на три фундаментални приоритети: задоволување на растечката побарувачка за здравствена заштита во регионот, интегрирање на напредната медицинска технологија со дизајн ориентиран кон човекот и обезбедување пристап до медицински услуги од највисок квалитет за заедницата“, велат од Zaha Hadid Architects.

„Проектот претставува холистичка интеграција на иновациите во здравствената заштита, зачувувањето на локалното наследство и еколошката регенерација, создавајќи инклузивен и одржлив кампус кој ќе и служи на својата заедница денес, а воедно ќе се прилагодува на потребите на утрешнината.“

Надворешноста ќе биде обложена со алуминиумски панели, со закривени елементи што излегуваат од фасадите и формираат жардиниери.

Внатрешните простори ќе бидат обложени со дрво и текстилни материјали, вклучувајќи области посветени на социјални, образовни и културни активности проектирани да изградат врски со локалните заедници.