Врвна комбинација на естетика и гастрономија

Eнтериерот е преполн со тропски растенија – формула со која атрактивноста на просторот е повеќе од загарантирана. Токму таква била визијата што довела до креирање на еден нов суши бар во Валенсија, исполнет со растенија на секој чекор.

Тие се сјајна опозиција на останатиот дел од ентериерот, поточно мозаик од плочки, дрвени маси и декоративни, традиционални детали изработени од рафија и ратан.

Суши барот Kaikaya се наоѓа во Валенсија, а освен со ентериерот, исто така, привлекува внимание и со гастрономската понуда која се фокусира на суши и нејзините сродни јадења.