Насловна / Вести / Вонр. проф. д-р Дарко Наков – нов претседател на ДГКМ

Вонр. проф. д-р Дарко Наков – нов претседател на ДГКМ

Вчера 7.6.2022 год. со почеток во 12 часот во амфитеатарот на Градежен факултет – Скопје при Универзитетот „Св. Кирил и Методиј“ се одржа Изборно собрание на Друштвото на Градежни конструктори на Македонија – ДГКМ.

IMG_9522_resize

На истото присуствуваа 79 претставници од 18 институции, кои едногласно го избраа новиот претседател на ДГКМ – Вонр. проф. д-р Дарко Наков, како и останатите органи на друштвото: Извршен одбор, Надзорен одбор и Суд на честа. Со Изборното собрание претседаваше проф. д-р. Тихомир Николовски, а во работното претседателство беше и досегашната претседателка на ДГКМ проф. д-р. Мери Цветковска.

viber_image_2022-06-07_13-27-20-197_resize

Новиот претседател се заблагодари за дадената поддршка и укажаната доверба и истакна дека честа, но особено одговорноста е навистина голема да се раководи со најбројното и друштвото со најдолга традиција од областа на градежништвото.

IMG_9554f_resize

Вети дека заедно со останатите претставници во органите на ДГКМ, ќе сторат се за да ја зачуваат традицијата со која располага друштвото кое е основано во 1976 година, но и дека ќе бидат воведени одредени новини, поттикнати од новите глобални трендови.

IMG_9531_resize

Освен редовните симпозиуми, ќе бидат организирани стручни предавања со предавачи од земјата и странство, стручни екскурзии, тркалезни маси, работилници/обуки за млади со поттикнување на поголема соработка помеѓу институциите, компаниите, но и меѓу друштвата и асоцијациите од сродните области на градежното конструкторство.

viber_image_2022-06-07_13-27-13-540_resize

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top