Во Општина Центар санкционираа 261 непрописно паркирани возила

Од Општина Центар соопштуваат дека ЈП Паркинзи на Општина Центар и општината во соработка со Сообраќајната полиција-Скопје санкционираа 261 непрописно паркирани возила кои го попречувале нормалното и безбедно одвивање на сообраќајот.

Во периодот од 17.02. до 23.02.2020 година, со помош на специјалните возила „Пајак“ на ЈП ПОЦ отстранети се 173 непрописно паркирани возила, а со поставување на механичко средство „Блокатор“ санкционирани се 88 возила кои биле затекнати во резидентни зони, а не биле корисници-резиденти на секторот во којшто биле паркирани.

ЈП ПОЦ и Општина Центар континуирано ќе ја спроведуваат оваа мерка со цел да се доведе во ред сообраќајниот хаос и проблемот со непрописното паркирање на комерцијалните и резидентните паркиралишта и улици на територија на Општина Центар.