Насловна / Арт и дизајн / Во МГС изложба „Во слава на Леонардо“, 500 години од смртта на генијот

Во МГС изложба „Во слава на Леонардо“, 500 години од смртта на генијот

Музејот на град Скопје (МГС) и Асоцијацијата за култура ИКОН ве покануваат на 26. ноември (вторник) во 13 часот на отварање на изложбата „Во слава на Леонардо“.

владо

Владимир Георгиевски „Леонардо α и Ω“ (2015)

Асоцијацијата за култура ИКОН и Град Скопје со изложбата „Во слава на Леонардо“се придружуваат во одбележувањето на 500 години од смртта на бесмртниот ликовен и интелектуален маг на италјанската ренесанса Леонардо Да Винчи, чиј дух и дело се светско културно наследство. Раскошен дух, и денес архетип за ренесансна личност во која се остварува големата синтеза на уметноста и науката.

качев

Константин Качев „Заборавени херои“ (2019)

Леонардо е генијален цртач и сликар, пронаоѓач на техниката на свуматото, која ќе му даде нов тон на сликарството и ќе го помести во просторот на безвременото, метафизичкото. Неговото дело нема само строга музејска вредност, туку тоа и по неговата смрт се до денес ќе остане еден од најинспиративните извори за уметниците од Европа и светот.

дијана

Дијана Томиќ Радевска „Дама со хермелин“ (2015)

Асоцијацијата за култура ИКОН во оваа јубилејна година сака да се надоврзе на таа величествена леонардова линија со учество на уметници во изложбата , кои се инспирирани од Леонардо и кои со својот талент ќе се вградат во богатата леонардова традиција на уметничка инспирација, сега по повод половина милениум од неговата смрт.
ИКОН е благодарен на уметниците кои се вклучија во овој проект како креативно одбележување на овој драгоцен јубилеј.

Leonardo Kat 500god Електронска Pokana

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top