Во Анкара отворена најголемата градска болница во Европа

Во главниот град на Турција, Анкара вчера се отвори најголемата градска болница во Европа Ankara Bilkent City Hospital и трета болница на свет на која сите единици се изградени во рамки на еден проект. После турските градови Yozgat, Mersin, Isparta, Adana, Kayseri, Elazig, Eskisehir и Manisa, Анкара е деветиот град во Турција кој доби градска болница.

Изградбата на болницата е започната во втората половина на 2015 година, а од 7 февруари веќе е отпочнато прифаќањето на пациентите.
Површината на земјиштето каде е сместена болницата е 950.000 квадратни метри, а вкупната површина на целиот болнички кампус е 1.300.000 квадратни метри.

Болницата на дневно ниво може да прими 30.000 пациенти, а во нејзин состав се наоѓа и медицински кампус. Ankara Bilkent City Hospital има 904 болнички соби, единица на интензивна нега со 674 кревети и 131 операцини сали во кои дневно можат да се направат преку 600 операции. Во болницата има 12 илјади вработени. Проектанти на објектот се Astaldi Group во партнерство со Studio Altieri, а главен изведувач CCN Construction.