Насловна / Арт и дизајн / Утре изложба „Ликовната уметност во марките на Македонска пошта“

Утре изложба „Ликовната уметност во марките на Македонска пошта“

Организација на изложбата:
Музеј на град Скопје и Асоцијацијата за култура ИКОН
Куратор: Климе Коробар
Отворање на изложбата: Музеј на град Скопје, 9.Октомври (среда), 20 часот
На отворањето на изложбата ќе се обратат:
Проф. Ферид Мухиќ и
Г-дин Ејуп Рустеми, генерален директор на Македонска пошта

Изложбата „Ликовната уметност во марките на Македонска пошта“ е во рамките на протоколот за соработка помеѓу Музејот на град Скопје, кој оваа година обележува 70 години од своето основање, и Асоцијацијата за култура ИКОН којашто прославува 20 години постоење и работа.
Во 1969 година на Светскиот конгрес на поштите во Токио, 9 Октомври е прогласен за Светски ден на поштите и од тогаш овој ден се празнува секоја година. Затоа и отворањето на изложбата е на овој ден. Со прославата сакаме и да ги потсетиме граѓаните и компаниите на значењето на поштата во секојдневниот живот.
Живееме во време на нови технологии во кое интернетот, како неверојатна брза комуникација со светот, го зазема приматот. Сè поретко се пишуваат писма и сe испраќаат картички. Секое општење меѓу нас се заменува со електронски пораки од мобилните телефони.

Print

Изложбата во Музејот на град Скопје сведочи за односот на Македонска пошта кон културното богатство. Издадените поштенски марки на тема -ликовната уметност, се културно богатство што патува низ времето и просторот. Македонска пошта има издадено голем број марки по повод разни годишнини афирмирајќи ја македонската ликовна уметност преку делата на Никола Мартиновски, Лазар Личеноски, Вангел Коџоман, Димитар Кондовски, Димо Тодоровски, Љубомир Белогаски, Борко Лазески и други, но истовремено се издаваат и марки со дела на Леонардо да Винчи, Микеланџело Буанароти, Огист Роден, Винсент Ван Гог, Пабло Пикасо …
Покрај издадените марки на Македонска пошта на изложбата се претставени и специјално дизајнирани картички (максимум карти) и ФДЦ пликови насликани од македонски уметници со што овие „пликови за прв ден“ добиваат посебна уметничка вредност.
Изложбата треба да го зголеми сознанието кај граѓаните за работата на Македонска пошта, посебно на Бирото за филателија, со што би се поттикнала една нова млада генерација филателисти, а марките ќе имаат своја иднина.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top