Стоматолошка ординација каде пациентите обожаваат да дојдат

Ентериерот на оваа клиника има за цел да го отстрани речиси вродениот страв на секој пациент од стоматологот.

Надевајќи се дека ќе ја намали анаксиозноста што ја доживуваат пациентите при посети на стоматолошки клиники, кинеското архитектонското студио RIGI design ја проектирало Warm Clinic, ординација во Тјенцин, Кина, каде децата и возрасните треба да се чувствуваат опуштено и удобно. Вообичаено студениот прием со маса и столчиња во низа во чекалната во овој случај се избегнати и се заменети со пријатен и разигран мебел.

Богатството на бои и форми во овој ентериер не навестува што ве чека внатре. Архитектите токму тоа сакале да го постигнат.

Чекалната со правоаголна маса, која повеќе наликува на трпезариска, со необично осветлување и декоративни елементи, ги асоцира пациентите на домашна атмосфера. Овој концепт позитивно влијае на психата на пациентот, пишува Designboom.

Чекалната е опремена со модерен мебел, а целиот простор е збогатен со полици со растенија и светилки. Во чекалната има и чајна кујна, што придонесува за создавање домашна атмосфера, како и мала игротека за деца која го елиминира стравот од забар. На подовите од ходникот се исцртани бројки, па одењето до ординацијата е мала игра.