Среќен 89-ти роденден Frank Gehry!

Славниот архитект Frank Gehry, роден на 28 февруари 1929 година, го основа своето архитектонско биро 1962 година во Лос Анџелес и го преобликува својот дом во Санта Моника.

Препознатлив е по експресивна употреба на формата (и нејзиниот понекогаш инфлациски ефект врз буџетот на проектот), Gehry е најпознат по Guggenheim Museum во Билбао, кој архитектот Филип Џонсон го нарекол “најголемата зграда на нашето време”.

Guggenheim Museum во Билбао

Свежата критичност на Gehry инспирира и поттикнува. Неговата долгогодишна посветеност на стилот на деконструктивизмот, покажувајќи дека формата не секогаш мора да ја изрази функцијата, се огледува во титаниумските валовити обвивки, збунувачките волумени и естетски неусогласени детали. За да го олесни својот стил, Gehry позајмил софтвер кој бил наменет за авионската индустрија, а подоцна основа своја компанија Gehry Technologies, која развива најсовремен софтвер за дизајн.
Gehry, исто така е познат по своите чесни и отворени тенденции, можеби најизразити на прес-конференцијата во октомври 2014 година, каде на еден новинар му покажа срден прст и тврдеше дека “98 проценти од сето она што денес е испроектирано и изградено е pure shit.“
Но и покрај се бирото Gehry Partners продолжува да го провоцира професионалниот дискурс со иновативни архитектонски проекти. Меѓу нивните понови меѓународни нарачки, Gehry Partners го проектираат седиштето на Facebook во Калифорнија и во Њујорк, станбена зграда за развојот на Battersea електрана во Лондон, и уште еден Guggenheim музеј, овој пат во Абу Даби.
По доделувањето на наградата Прицкер во 1989 година, жирито најдоброто го опиша Gehry: “секогаш отворен за експериментирање …тој не е врзан ниту со критичко прифаќање ниту со неговите успеси. Неговите објекти се сосема спротиставени колажи од простори и материјали кои ги прават корисниците благодарни за театарот и задната сцена, истовремено откриени. “