Словенија: Започна производството на новото Renault Clio 5

Словенечкиот производител на автомобили  Revoz од Ново Место, сопственост на групацијата Renault, започна да го произведува новиот модел Clio 5, откако вложи 90 милиони евра. Владата помогнала во релизацијата на овој проект со 6 милиони евра. Словенечката фабрика уште во јули минатата година најави дека подготвува нова инвестиција. Новиот модел на Clio е особено важен за Словенија, бидејќи целосно ќе се произведува во земјата и во овој случај Revoz нема да има статус на помошна фабрика. Новиот автомобил предизвика огромно внимание уште во самиот старт. Тој е конструиран на целосно нова механичка платформа.

Инаку од оваа словенечка фабрика, првиот модел на легендарното Renault 4 е произведен далечната 1973 година.