Школото Garzón во Уругвај – „паркот е училиштето, а училиштето е парк“

За училиштето Garzón во Уругвај, бирото Rosan Bosch Studio создале сосема нов кампус и училишен простот опкружени со природа.

Положбата на училиштето во сред густа шума од еукалиптуси создава посебна врска со природниот свет.

Идентитетот на новото училиште се претопува со неговата пространа и дива околина. Проектантите соработувале со училишната заедница за да создадат идеја што овозможува лесно учење и во затворено и на орворено.

Новата образовна средина ја поттикнува природната љубопитност и промовира игра, истражување и индивидуално изразување.

Во овој кампус учењето ги надминува конвенционалните ограничувања поврзани со природата поради примената на принципите на биофилен дизајн во креативниот концепт.

Природата не е само додаток на образованието; таа е самото училиште. Овде, специјално креирана наставен план и програм насочени на експериментирање и учење базирано на истражување ги прави учениците херои на сопственото образование.

 

Според концептот на училиштето, природата е учител сам по себе, а не само додаток на образованието.

Со шест различни зони за учење (познати и како Светови на учење) засновани на шест принципи на дизајн – Врв на планина, Пештера, Логорски оган, Водена зона, Практична работа и Движење – концептуалниот дизајн на Rosan Bosch ги насочува учениците во разновидна средина за учење.

Шесте зони, кои се креирани за да прилагодат на различни стилови на учење, им даваат на учениците значајни опции што промовираат независност и самосталност.

Под водство на едукатори и специјалисти за инклузија, децата се поттикнати да се впуштат во лична потрага по истражување и учење што ги надминува конвенционалните образовни рамки.

Кампусот базиран на природата спојува силна врска со природата со разновидни области на кои се наменети да прилагодат различни преференции на учење.

На учениците им нуди средина која поттикнува иновации, љубопитност и тимска работа, создавајќи можности за учење во реалниот свет кои ги спремаат идните носители на промени.

Во овој случај, „паркот е училиштето, а училиштето е парк“, и сите области се испреплетени со околината во континуирана интеракција помеѓу внатрешниот и надворешниот простор.

Кривулест пат околу езеро поминува низ ливада пред да стигне до „селото“ на училиштето Garzón, кое е скриено во густа еукалиптусова шума.

Патувањето на учењето на секој ученик започнува тука, а потоа се шири кон надвор додека тие стануваат понезависни и посвесни.

Овој бескраен парк обезбедува плодно поле за креативност и истражување со своите кривулести потоци и ветувања за авантура. Тоа е смело преобмислување на модерното школување.

Архитектонскиот концепт и изборот на материјали се инспирирани од природата и се одржливи, локално набавени и внимателно избрани за да се вклопат во околната средина.

Проектот комбинира природна светлина, суптилни нијанси и привлечни текстури за да ја подобри благосостојбата и на наставниците и на учениците и да ги зајакне врските меѓу нив.

Покрај тоа што нуди места за собирање и игра, пејзажниот дизајн на селото игра клучна улога во идентификувањето на областите што им даваат на децата чувство на идентификација и припадност. Вернакуларната уругвајска архитектура е евоцирана со два плоштади од тула, а природната средина е збогатена со автохтони растенија и необични дрвени елементи.

Така се надополнуваат одржливите згради, кои се целосно изведени од дрво и покриени со традиционален јапонски метод на јагленисање наречен shou sugi ban. Ова им дава на зградите долговечност, личност и тесна врска со природната средина.

Новото училиште Garzón е пример за трансформативен образовен модел кој поставува стандард за Латинска Америка, покажувајќи како внимателната педагошка, архитектонска и природна интеграција може да создаде простори каде што учењето се одвива органски, а учениците прераснуваат во способни, самоуверени креатори на промени подготвени за идните предизвици.

За даоведе револуција во образованието, училиштето Garzón во Малдонадо, Уругвај, создало целосно интегриран екосистем. Идентитетот на училиштето е испреплетен со пространиот и нескротлив терен.

Училиштето создава персонализирана наставна програма ориентирана кон ученикот, која е заснована на најдобрите методи на настава во светот.