Реконструкција на Арктикот со подморница за замрзнување

Што е со иновативните подморници кои произведуваат хексагонални замрзнувачи кои би можеле да го обноват Арктикот за да ја заштитат целата планета?

На меѓународниот натпревар за дизајн, организиран од АСА (The Association of Siamese Architects), екипата на Фарис Рајак Котахутохаха, Дени Лесма Ана Буди и Фиера Алифаје ја освоија втората награда за проектот за повторно замрзнување на Арктикот. Нивниот предлог се заснова на замрзнување на растворена вода во, како што го нарекоа, ice babes и тоа со помош на систем на подморница.

Системот, кој тие го опишаа како „необичен замрзнувач“, е всушност лебдечка структура која во некои моменти функционира како подморница што собира вода за замрзнување.

Структурата долга 25 метри може да работи во сите временски услови како би се произведувале помали ледени брегови што би го „реконструирале“ Арктикот. Секако, нејзиниот капацитет не е голем. За еден месец, оваа необична подморница може да произведе еден хексагонален замрзнувач, пишува Designboom.

На самиот почеток на процесот, подморницата тоне за да ја собере потребната вода во хексагоналниот оддел. После процесот на десалинизација, површинскиот капак се затвора и подморницата излегува на површината на водата. За еден месец се произведува „ ice babes “ и подморницата ја исфрла на површината на водата, а потоа се нурнува по нова вода.

Секако, овој систем може да се карактеризира како иновативен, а ентузијазмот и присутната волја е пожелен во борбата против глобалното затоплување. Сепак, кои се нуспроизводите на работењето на овие подморници и дали може да биде поефикасно и поефтино да се фокусираме на натамошно пошумување на планетата, останува тема за дискусија.