Насловна / Вести / Прв трговски центар во светот каде сите производи се рециклирани

Прв трговски центар во светот каде сите производи се рециклирани

Големите трговски центри не се многу вообичаени примери за одржливост. Сепак, веќе неколку години, еден шведски трговски центар успешно се спротивстави на масовното производство и потрошувачите и го менува однесувањето на потрошувачите кон одржливост и заштита на климата. Сè што се продава во овој трговски центар е направено исклучиво од рециклирани материјали.

trgovski

Отворен во 2015 година во градот Ескилстуна близу Стокхолм, ReTuna (ReTuna Återbruksgalleria) има за цел да биде уште еден зелен пример во Шведска, земја широко позната по својата посветеност за рециклирање и заштита на животната средина. Овој трговски центар се наоѓа веднаш до локалниот центар за рециклирање, каде посетителите можат да ги остават своите несакани и користени артикли на кои ќе им се даде нов живот, нова намена и дом така што прво ќе се направи поправка или реновирање, а потоа и дистрибуирање во трговскиот центар.

trgovski1

Исто така, ReTuna не е само уште еден обичен трговски центар, туку е и едукативен центар каде разни настани, работилници, предавања и тематски денови се насочени кон одржливост. Покрај тоа, овој трговски центар игра исто така многу важна улога во креирањето работни места за имигрантите, при што неговите продавници учествуваат во национална програма со која се субвенционираат платите на ново пристигнатите жители на Шведска и нуди курсеви за образование на возрасни.

trgovski2

Покрај тоа што е прв трговски центар од ваков вид, ReTuna исто така промовира животен стил со нула отпад – и со намалување на чувството за потреба на клиентите постојано да купуваат нови, честопати непотребни производи и со охрабрување на донации на предмети што повеќе не им се потребни. Концептот на центарот се заснова не само на привлекување на целна група потрошувачи, туку и на промовирање на одржливост, а благодарение на овој шведски трговски центар може да биде модел за многу продавници кои ја стимулираат нивната транзиција кон кружна економија.

trgovski3

trgovski4

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top