Паркингот во „Сити Мол“ од август ќе се наплаќа

Паркингот во трговскиот центар „Сити Мол“ во Скопје ќе почне да се наплаќа од почетокот на август. До сега посетителите на шопинг центарот „Сити мол“ можеа да пазаруваат и бесплатно да се паркираат. Токму оваа привилегија е потенцирана како една од причините зошто да го посетите „Скопје Сити Мол“.
Од компанијата нема детали која ќе биде цената на паркинг-билтетот, но се најавува дека ќе биде поевтина од другите паркиралишта во Скопје.
Нема информации, дали посетителите на трговскиот центар со сметка над одредена сума ќе можат бесплатно да се паркираат одреден временски период.