Порта3 – градежништво, архитектура и екологија Порта3 – градежништво, архитектура и екологија
Денес во дневниот печат e објавен нов оглас за продажба на градежно земјиште како и на веб страницата на Општина Штип. На оглас за продажба се 21 парцели од кои седум за индивидуални куќи, две за индустриски објекти, две за деловни, потоа девет парцели за станбени згради од кои седум се во населба Сењак и по една во населба Баби и Пребег и една локација за бензинска пумпа.
Пријавите за учество на јавното наддавање можат да се достават до 25.10.2016 година а јавното наддавање ќе се оддржи електронски на 27.10.2016 година од 8 до 13 часот.
Инаку пред околу еден месец Штип спроведе продажба на градежно земјиште на која беа понудени околу 50 локации при што над 40 беа продадени. Од продажбата беше остварен приход од 50 милиона денари од кои 20% се за државната каса а 80% за локалната самоуправа.
