Ново издание на Taschen за творештвото на Заха Хадид

Иако многу објекти на Заха Хадид станаа икони на современата архитектура, во творечкиот опус на покојната архитектица, постои многу повеќе од нејзините најпознати згради. Авторот Philip Jodidio, познат по монографии на архитектите Tadao Ando, Shigeru Ban и Santiago Calatravа, ја истражува револуционерната кариера на Заха во книгата Zaha Hadid. Complete Works 1979–Today, која ја издаде Taschen.

Обновеното издание, објавено прв пат во 2009. година, ја сублимира архитектурата и работата на нејизната компанија изминатите 41. години, почнувајќи од нејзиниот нереализиран дизајн за резиденцијата на ирскиот премиер во Phoenix Park во Даблин. Заха Хадид почина во март 2016. година, но „Zaha Hadid Architects“ продолжува да реализира нови проекти, држејќи се до патот кој го проби Заха. Архитектонските дела кои се изведуваат во моментов, вклучувајќи ги Mandarin Oriental во Мелбурн и московскиот Сбербанк Технопарк, исто така се составен дел на книгата.

Книгата ја открива архитектонската работа, наградена со оскар во архитектурата – Прицкер, а покрај фотографии во книгата можат да се видат слики и цртежи, кои сами по себе се уметнички дела, кои Заха ги создавала за да ги претстави и изрази своите храбри идеи. Архитектонските фотографии докажуваат дека таа успела своите идеи и да ги реализира.

Книгата може да се купи онлајн, нејзината цена е 50 евра. Да се потсетиме на некои од незаборавните проекти претставени во книгата на Taschen.