Порта3 – градежништво, архитектура и екологија Порта3 – градежништво, архитектура и екологија
Град Нови Сад планира производство на електрична и топлинска енергија од цврстиот комунален отпад, а „Новосадска топлана“ веќе има распишано тендер за изработка на физибилити студија за когенерациска постројка. Ваква когенеративна постројка за производство на енергија од отпад веќе постои во Белград, а започна во работа во јули 2024 година. Во студијата треба да се предложи и оптимална локација на постројката, првенствено имајќи ја во предвид можноста за инфраструктурно поврзување на системот за далечинско греење на Нови Сад и прифатлива оддалеченост од местото каде ќе се произведува горивото. Студијата исто така треба да предложи оптимална технологија на согорување на цврстото гориво, концепуално решение за изградба на когенерациската постројка, како и систем за прочистување на димните гасови и управување со пепелот. За реализација на овој проект обезбеден е кредит од ЕБРД во износ од 85 милиони евра и грант од 24,7 милиони евра од Инвестицискиот фонд за Западен Балкан (WBIF).
