Неверојатни стаклени фигури во њујоршкиот „Линколн центар“

Во фоајето на „Линколн центар“ во Њујорк, поточно во просторот на театарот со име David H. Koch, поставени се прекрасни стаклени скулптури.

Францускиот сликар и скулптор Dustin Yellin, кој моментално живее и работи во Њујорк, постави 15 стаклени скулптури во коишто се „вовлечени“ илјадници внимателно наредени колажи. Скулптурите еволуирале од уметничката серија на авторот наречена Psychogeographies, која ја започнал во 2011 година, и се создадени од исечени детали од книги за историјата на уметноста, списанија, речници и литератури за танц, кои се внимателно наредени во сложувалката, формирајќи интересни 3D танцови фигури.

Изработката на секоја скулптура која тежи до 1400 кг, траела речиси една година, а покрај самиот уметник, во создавањето на овие статуи учествувале и четири асистенти. Со изложбата се одбележува третата година од уметничка програма која ангажира современи уметници за чија организација е одговорна познатата танцова трупа New York City Ballet.