Насловна / Вести / Неповолно мислење за проектот за надградба на македонскиот систем за воздухопловна навигација

Неповолно мислење за проектот за надградба на македонскиот систем за воздухопловна навигација

Новите навигациски системи за побезбеден воздухопловен сообраќај требаше да се при крај, но системите сѐ уште не се во оперативна функција. Проектот за надградба на системот требаше да донесе и поголеми приходи и поголема безбедност на небото.

Во извештајот на Државниот завод за ревизија за работата на акционерското друштво во државна сопственост М-НАВ се изразува неповолно мислење за реалноста и објективноста на финансиските извештаи за 2018 година и за усогласеност со законската регулатива, упатства и воспоставени политики.

манав1_resize

За проектот за надградба на македонскиот систем за воздухопловна навигација – втора фаза, финансиран од ЕБОР, поради одолговлекување на постапката ревизорите утврдиле дека има минимална искористеност на средствата (11,15 милиони евра). Утврдено е „несоодветно проценување на дел од билансните позиции и несоодветна проценка на годишните потреби за набавки на стоки и услуги“.

Во делот за препораки, ревизорите на М-НАВ му препорачуваат одлуките за долгорочно задолжување да се носат врз основа на реално и прецизно изработени оперативни планови, билансните позиции да се проценуваат според МСС/МСФИ и годишниот план за јавни набавки да се изготвува согласно реалните потреби.

До крајот на 2019-та се повлечени помалку од третина од предвидените пари или 3,2 милиони евра од кредитот.

Од тие пари М-НАВ за надомест за нереализираниот кредит и за камати исплатило над 320 илјади евра, стои во ревизорскиот извештај.

манав_resize

Поради застарената опрема имаше и неколку испади, се исклучи системот за надгледување во 2018 поради неуспешен и ризичен тест, потоа радарот на скопскиот аеродром неколку дена пред слетувањето на Папата престана со работа, па се користеше резервниот, и на крај протекоа снимки од кабинетот на генералниот секретар на владата Драги Рашковски за убрзување на процедурата и потпишувањето на договорот со италијанската компанија Леонардо.

За сите настани, обвинителството отвори предмети и ги истражува.

манав2_resize

Во ревизорскиот извештај е откриено и дека договорите со две адвокатски канцеларии се платени трипати поскапо од планираното без измена на финансиските планови.

М-НАВ на најголем дел од извештајот имал забелешки на 16 страници, но ревизорите во најголем дел не ги прифатиле објаснувањата на институцијата.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top