Небесен мост кој ќе поврзува четири уникатни кули

Ова е можеби најоригиналниот градежен проект што ја очекува Кина оваа година.

Станува збор за необичен небесен мост кој ќе има улога да поврзе четири уникатни кули со таканаречениот „тродимензионален, вертикален пејсаж“. Со надеж дека ќе стане центар на градот, Hengkin CRCC Plaza користи стратешко позиционирање и форма за да го максимизира економското производство и да создаде силно јадро на заедницата, каде дарежливиот отворен простор им служи на околните работни простори.

Двете највисоки кули се наоѓаат на североисточниот и југоисточниот крај на проектот, искористувајќи ја локацијата и околниот контекст за да се создаде деловен простор од класа А.

Самиот небесен мост успева да исполни неколку функции и да реши некои од почетните проблеми со кои се соочил архитектонскиот тим на Аедас. Поврзувајќи ги сите области од шемата, мостот делува како динамичен, зелен простор за промовирање на меѓуканцелариска комуникација, интегрирајќи четири згради во една кохезивна целина. Иконски по својата форма, тој создава и посебен, позитивен идентитет за проект кој ќе игра значајна улога во напредокот на градот.

Овој прилично амбициозен градежен зафат ќе опфати малопродажни простори, отворени тераси и рекреативни објекти, а целосно треба да биде завршен до крајот на оваа година.