Магична куќа во чест на органската архитектура

Куќа која е дело на архитектот Артур Дајсон е идеален пример за органска архитектура.

Изградена на темелите на органската архитектура која го усогласува човечкото живеење со природата (во секоја можна смисла), оваа шармантна викендица навистина остава впечаток на некаква магична градба среде Калифорнија. Дизајнирана во чест на мајката природа, нејзината визуелна врска со природниот свет е очигледна – иако на моменти речиси незабележливо се спојува со нејзината пошумена околина од подот до таванот.

Гледајќи однапред, нејзината рустикална брановидна фасада формирана од дрвени штици ја следи неправилната кривина која се наоѓа во прстените на дрвјата. Дури и највисоката дрвена плоча, која задржува жолтеникава нијанса, го прикажува најоддалечениот раб на паднато дрво. Гледано од страна, неговата фасада наликува на облик на преполовено дрво со дрвени штици кои продолжуваат од предната фасада сè до покривот на куќата. А кога станува збор за задниот дел од куќата, тој е целосно направен од дрво и е идеално место за престој на отворено и уживање во околните грмушки.

Додека надворешноста на оваа магична куќа ја добива својата природна топлина благодарение на нејзината дрвена рамка, нејзината внатрешност е целосно преплавена со природна сончева светлина која продира низ стаклените прозорци од подот до таванот. Мешавина од природно дрво во Арт Деко стил со внатрешни елементи од раните 90-ти, ја прави оваа куќа уникатно и исклучително удобно место.