Куќа во која влегува шума

Како нераскинлив дел од природата, приземната семејна куќа Laaneotsa House целосно се вклопува во нејзината околина. Ненаметлива, само на приземје, обвиткана околу борова шума, и внимателно распослана, за да не се наруши природата на ниту едно дрво.

Архитекти од KUU Architects од Естонија го имаат проектирано овој семеен дом за кој може да се каже дека е во хармонија со природата. Дискретно интегрирана во околината, без да се преправа дека привлекува внимание, куќата плени со својата хармонија и едноставност.

Редовни, линеарни форми, во форма на буквата U Laaneotsa House, користејќи материјали, бои и дизајнерски елементи, постигнува разиграност на фасадата и визуелна препознатливост. Низа вертикални елементи во влезната зона се симболично продолжение на боровата шума што влегува во куќата. Влезот во куќата е под заедничка настрешница која ги поврзува дневните и помошните простории. Одлично решение за влезот, покрај паркинг просторот и влезот во двата дела на куќата, има директен пристап до внатрешниот двор.

U-обликот на куќата се состои од два дела, резиденцијален во форма на буквата L, кој е поврзан со техничкиот дел со настрешница, во форма на буквата I. Станбениот дел има отворен концепт за кујна и дневна соба, канцелариски дел, две помали соби со заедничка бања, соба со бања и гардеробер и простор за вежбање. Дневниот простор се отвора кон внатрешниот двор, додека спалните соби имаат свои тераси свртени кон исток.

Стаклените прегради ја бришат границата меѓу надворешниот и внатрешниот простор. Внатрешноста е опремена со модерен мебел во сиви или црни тонови, што го нагласува континуитетот на бојата на надворешноста на куќата.

Во целата куќа, за да се одржува непрекинат контакт со теренот, избегната е употреба на прагови и сите катови се на исто ниво.

Во вториот, помошен, дел од куќата има сауни, перална и магацински простор. Техничките простории се скриени во подземјето.

Заштитен од три страни со куќата, тивко и без ветер, внатрешниот двор е важен дел од оваа куќа.

Преминот меѓу трите природни елементи – дрвените подлоги, тревата и водата во дворот дополнително го засилуваат впечатокот за непроменет природен пејсаж. Над куќата се издигнуваат борови, кои се чуваат во нивниот природен распоред, што ја прави уште поинтегрирана во околината. Слободната страна на дворот е отворена кон шумата, овозможувајќи релаксирачки поглед на далечното зеленило низ големите стаклени површини во сите простории. Сите употребени материјали беа избрани да го следат концептот на вклопување во природата. За надворешната доработка е избрано дрво обоено во црно во комбинација со бетон, а природен бетон има и во внатрешната доработка на ѕидовите.