Конкурс за наградите New European Bauhaus – за прв пат може да аплицира и Западен Балкан

New European Bauhaus е креативна и интердисциплинарна иницијатива која го поврзува „Европскиот зелен договор“ (European Green Deal) со нашиот животен простор и искуства.  Иницијативата доделува годишни награди (во различни категории – European Bauhaus Prizes). Веќе е објавен конкурсот за European Bauhaus Prizes 2023, за апликации од сите земји членки на ЕУ, но и за прв пат ќе можат да конкурираат кандидати од земјите на Западен Балкан.

Паричниот дел од наградата е до 30.000 евра, а се доделува за иницијативи кои ја зајакнуваат одржливоста, естетиката и инклузивноста – три комплементарни вредности на New European Bauhaus.  Рокот за поднесување на апликациите е 31.01.2023. Наградите ги препознаваат и вреднуваат постоечките проекти и концептите ан младите луѓе, кои демонстрираат решенија за промовирање на „Европскиот зелен договор“, и ќе бидат доделени во четири тематски категории. Повеќе за конкурсот на следниот ЛИНК.