Ќе се гради нов мост на Темза во Лондон

На конкурсот што беше распишан во месец декември минатата година, пристигнаа вкупно 74 проекти за идниот мост на реката Темза во Лондон. Новиот мост треба да претставува транспортен линк помеѓу Vauxhall и Chelsea.

Голем дел од решенијата предлагаат спирални рампи за да овозможат пристапно искачување и симнување од мостот, потоа црвени патеки за велосипеди, различни рефлектори за осветлување и неправилни форми.

Наредниот месец, стручно жири ќе објави кратка листа на проекти кои го поминале првиот круг на елиминација. Дизајнерите мора да создадат креативно решение и комплексен дизајн кој ќе одговара на барањата на современиот транспорт.