Изложба за 100 години од Првата светска војна во Стар Дојран

Денеска во Музејот на Првата светска војна во Стар Дојран ќе биде оворена изложбата „Одбележување 100 години од Првата светска војна: Британија и Македонија“.

Проектот е финансиран од Амбасадата на Велика Британија во Скопје во соработка со Општина Дојран. Во негови рамки во декември и јануари беа организирани работилници кои ги водеше историчарот д-р Александар Стојчев.

Учествуваа средношколци и претставници на локалната самоуправа во Дојран кои обработуваа изворен музејски материјал, извори од литература на англиски и на македонски јазик со цел да се подготви изложбата.