Изложба на „(По)трагите на водата“ во Кавадарци

Во Уметничката галерија на Домот на културата „Иван Мазов Климе“ во Кавадарци, на 9 декември, во 19 часот, ќе се отвори изложбата со наслов „(По)трагите на водата“ – Акварелот од колекцијата на Националната галерија на Македонија.

Изложбата е во организација на Националната галерија на Македонија и Дирекцијата за култура и уметност, и е во рамките на проектот „Кич, да!?/сте или не/“ поддржан од Министерството за култура.

На изложбата ќе бидат презентирани над 30тина ликовни дела, дел од нив за првпат се изложуваат пред јавноста.

Куратор на изложбата е Елена Георгиевска, кустос во Националната галерија на Македонија.