Иновативна колекција на фотографии од спомениците од поранешна Југославија

Фотографот Andy Day, кој воедно е голем љубител на паркур како спортска активност, ги поврзува овие две уметности во едно и создава неверојатни фотографии. Својата последна колекција ја посветил на спомениците од Втората светска војна што се наоѓаат на територија на поранешните југословенски републики. На фотографиите е прикажана урбана експлозија, меморија за едно време и монументална архитектура. Насловот на колекцијата е Former („Поранешно“), повикувајќи се на фактот што земјите од кои потекнуваат овие споменици се од поранешна Југославија. Фасцинираноста од масивната бетонска уметност, совршено се вклопува со вештината на движење на трасерите.