Хрватската стопанска комора воведе ESG рејтинг за компаниите

Хрватската стопанска комора вовела хрватски ESG рејтинг како модел за оценување на одржливте практики кои ги применуваат компаниите. ESG рејтингот е оцена која се доделува на една компанија врз основа на нејзиниот однос кон животната средина (environment), општеството (social), како и во однос на усвоените пракси на управување (governance).

Користењето на овој рејтинг, носи бенефит во привлекувањето на капитал и инвеститори, но исто така им овозможува на компаниите да имаат подобар увид во своите перформанси и да стекнат увид во изложеноста на ризици. Критериумите за определување на ESG рејтингот се усогласени со регулативата, барањата на финансиските институции и пазарите на капитал, како и со спецификите на одделните индустрии. Еден дел од информациите ќе се собираат преку пополнување на прашалник, а остатокот преку јавнос достапни информации – оф финансиски показатели до емисии на гасови со ефект на стаклена градина за одредена дејност. Новата регулатива бара кредитните институции при проценка на ризиците да ги земаат во предвид и ESG ризиците.