Фотофрафиите од фабриката, откриваат како ќе изгледа новиот Ferrari Purosangue

На интернет веќе се појавија фотографии кои откриваат како изгледа новиот модел на Ferrari – Purosangue. Во јавноста, Purosangue се смета за првиот SUV на легендарниот бренд, иако гигантот е категорично против ваквата категоризација. Како и да е, фотографиите „протекле“ од фабриката, па сега дефинитивно е познато што може да се очекува кога Purosangue и официјално ќе биде претставен. Се разбира, фотографиите се далеку од идеални, но сепак откриваат како изгледа овој модел однапред и одзади, а делумно се гледа и бочниот профил.

На прв поглед е јасно дека тој не изгледа како конвенционален SUV, највеќе поради неговата височина, а тоа веројатно е една од причините поради кои во Ferrari не сакаат таква класификација. Purosangue повеќе личи на подигнат хечбек, а производителот истакнува дека тоа е всушност неговиот FUV, односно Ferrari utility vehicle. Предниот дел на автомобилот потсетува на моделот Roma, особено кога станува збор за светлата, и тоа дефинитивно не е негативна карактеристика, бидејќи Roma според многумина е најубавото Ferrari од моделот 458. Purosangue веројатно е погонуван од  3,9-литарски twin-turbo V8 мотор, кој се користи и за други модели на брендот. Гласините велат дека  Purosangue би можел да добие и V12 мотор, кој развива речиси  800 hp, но станува збор за непотврдени информации.