ЕУ нема планови за воведување на квоти за електрични возила

Европската унија нема планови за воведување на квоти за електрични возила во автомобилскиот сектор, кој се обидува да зајакне по скандалот на „Фолксваген“ со издувните гасови на дизел моторите. – Генерално гледано, Комисијата разгледува начини да го промовира користењето на енергија со ниска емисија на јаглерод диоксид и во транспортот, но ниту еден од нив не вклучува квоти за електричните автомобили, соопшти претставничка на ЕУ. – Ние не правиме дискриминација меѓу различните технологии, додаде таа.