Електричното Porsche Taycan го покажа својот потенцијал на патеката Nürburgring

Предпродукцискиот модел на Porsche Taycan ги покажа своите перформанси на патеката за Формула 1, познатата Nürburgring, и ја мина за 7 минути и 42 секунди. Должината на патеката е 20,6 километри. Со овој резултат, Taycan го држи рекордот во категоријата електрични автомобили со четири врати. Тест возењето на предпродукцискиот модел кој ќе ја има својата светска премиера на 4-ти септември, го реализираше Ларс Керн.

Автомобилот е погонуван од два електрични мотори со над 600 коњски сили, и постигнува забрзување од 0 до 100km/h за 3,5 секунди, како и максимална брзина од над 250 km/h. Сите детали во врска со техничките податоци ќе бидат познати на 4-ти септември.