Насловна / Арт и дизајн / Денес изложба на Јана Јакимовска „Хероините на нашето време“

Денес изложба на Јана Јакимовска „Хероините на нашето време“

Денес во 19 часот во втората сала на Музејот на Град Скопје ќе се отвори самостојната изложба „Хероините на нашето време“ на академската сликарка Јана Јакимовска. Изложбата е омаж на жените-хероини во македонското општество кои му се спротивставија на репресивниот, конзервативен, мизогин и хетеронормативен систем на вредности.

heroini flaer za mediumi

Кураторката Елена Вељановска ќе каже: „Изложбата “Хероините на нашето време” ја нагласува потребата за паметење и историзирање, но и повикува на рамноправност во паметењето во услови на доминантна хероизација на маскулинистичките симболи на моќ. Потоа таа отвора дискусија за ре-дефиниција на улогата на современата жена во македонското општество, и токму преку симболичната употреба на поимот хероина, таа воедно и предлага ново читање и пишување на скорешната историја. И најнакрај, таа го ревитализира медиумот на оваа изложба – портрет-на уметност – којшто е крик да се врати достоинството на старите медиуми, коешто им беше одземено со нивната употреба во пропагандни цели.“

Јана Јакимовска е вонреден професор на Ликовната академија при Универзитет Гоце Делчев – Штип. Ова е нејзина петнаесетта самостојна изложба.

Испрати коментар

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Scroll To Top