Будимпешта ја гради најголемата населба по 30 години

ADEPT Architects е авторот на новиот мастерплан за Будапарт, населба во Будимпешта која ќе биде најголемата нова урбана населба во градот во скоро 30-годишен период.

Врз основа на својата мрежна структура, проектот ќе ги рефлектира историските и модерните делови од градот, и ќе зафаќа површина од 54 хектари. Мастерпланот вклучува големи зелени површини, и подеднакви удели на резиденцијален и деловен простор.

Планот всушност настојува да ги зацврсти врските со брегот на Дунав, потенцирајќи го историското значење како и идното економско и културно значење на овој простор. Изградбата на првата зграда од вкупно 600.000 метри квадратни вкупна расположива површина на целиот комплекс, е веќе во тек.