Бордо: 60.000 квадрати јавна површина, ќе биде прекриена со соларни панели до 2026 година

Градот Бордо во Франција, интензивно разива капацитети за производство на соларна енергија во склоп на својата стратегија за енергетска транзиција и борба против климатските промени. До 2026 година, планирано е поставување на соларни панели на 60.000 m² на општински објекти и земјиште, со што соланата енергија ќе стане столб на локалното и одржливо производство на енергија.

Проектот опфаќа инсталирање на соларни системи на 70 идентификувани локации. Покрај инсталацијата на вакви системи на постоечките објекти, се воведува обврска за сите нови и реновирани јавни објекти да постават фотоволтаични електрани. Иницијативата е дел од пошироката стратегија на Сојузот за соларна енергија на Бордо, кој обединува приватни и јавни субјекти со заедничка цел – забрзување на енергетската транзиција. Градските власти дополнително ги поттикнуваат граѓаните, заедниците и компаниите да реализираат и самите вакви проекти, нудејќи им институционална поддршка и други олеснувања.