Билборди на Zaha Hadid Architects

Zaha Hadid Architects ги објави сликите од својот најнов проект, скулптурален билбор наречен по својата локација во Kensington во Лондон. Овој проект кој настанал во соработка меѓу покојната Заха Хадит и Патрик Шумахер, претставува прв „влез“ на компанијата во сферата на огласувањето.

Проектиран за рекламниот гигант JCDecaux, билбордот се состои од дигитален екран вграден во свиткана двојна „лента“. Екранот е запрепастувачки, широк е 26 метри и висок шест метри, а закривен е така што овозможува подобра видливост од улица.

Пешаците кои поминуваат позади билбордот го доживуваат како дел на јавна уметност. Осветлен е на начин што овозможува да биде осветлена и околината, односно патеката по која се движи.

„Оваа испреплетена „лента“ има двојна улога. Присутна е како скулптура, но и како промотивен медиум и ги изразува динамичноста на движењето на пешаците и возилата кои се сретнуваат на ова важна лондонска раскрсница“, објаснува Мелоди Ланг, соработничка во ZHA. „Лентата од нерѓосувачки челик се витка и го опкружува екранот, создавајќи различни силуети во зависност од местото на набљудување“.